తాడిచెర్ల ఏఎంఆర్ ఓసిపిలో వనమహోత్సవం

మల్హర్ , ఆగస్టు 25 (చక్రవాణి న్యూస్) : మండల కేంద్రమైన తాడిచెర్ల కాపురం గ్రామంలోని ఓపెన్ కాస్ట్ ప్రాజెక్టు–1 పనులు నిర్వహిస్తున్న ఏఎంఆర్ కంపెనీ ఆధ్వర్యంలో మంగళవారం వనమహోత్సవ కార్యక్రమాన్ని ఘనంగా నిర్వహించారు. ఈ సందర్భంగా ఏఎంఆర్ కంపెనీ ప్రాజెక్టు హెడ్ ప్రభాకర్ రెడ్డి ఆధ్వర్యంలో అధికారులు, సిబ్బంది, కార్మికులు మొక్కలు నాటారు. పర్యావరణ పరిరక్షణలో భాగంగా నిర్వహించిన ఈ కార్యక్రమంలో మొక్కల పెంపకం, పచ్చదనం పరిరక్షణ యొక్క ప్రాధాన్యతను వివరించారు. ప్రతి ఒక్కరూ మొక్కలు నాటి వాటి సంరక్షణకు కృషి చేయాలని ఈ సందర్భంగా సూచించారు. ఈ కార్యక్రమంలో సీసీఎఫ్ ప్రభాకర్, డీఎఫ్‌వో కృష్ణగౌడ్, ఎఫ్‌డీవో అప్పలకొండ, కాటారం డీఎస్పీ సూర్యనారాయణ, అటవీ శాఖ అధికారులు, ఏఎంఆర్ కంపెనీ సేఫ్టీ మేనేజర్ సురేష్, తాడిచెర్ల సర్పంచ్ బండి స్వామి, ఏఎంఆర్ కంపెనీ అధికారులు, కార్మికులు అధిక సంఖ్యలో పాల్గొన్నారు.