కొండంపేట వార్డు సభ్యుడు కోడిశాల మల్లేష్ మృతి

మల్హర్ , సెప్టెంబర్ 13 (చక్రవాణి న్యూస్) : మండలంలోని కొండంపేట గ్రామంలోని 6వ వార్డు సభ్యుడు కోడిశాల మల్లేష్ ఆదివారం తెల్లవారుజామున హన్మకొండలోని ఓ ఆసుపత్రిలో చికిత్స పొందుతూ మృతి చెందారు. ఆయన మృతి పట్ల గ్రామ సర్పంచ్ బెల్లంకొండ జ్యోత్స్న సరీన్ రావు తీవ్ర దిగ్భ్రాంతి వ్యక్తం చేశారు.మల్లేష్ మృతి గ్రామానికి తీరని లోటని పేర్కొంటూ, ఆయన కుటుంబ సభ్యులకు సర్పంచ్ ప్రగాఢ సానుభూతి తెలిపారు. ఈ విషాద సమయంలో కుటుంబ సభ్యులకు ఆ భగవంతుడు మనోధైర్యాన్ని ప్రసాదించాలని కోరుకున్నారు.