ఎమ్మార్పీఎస్ బలోపేతానికి కృషి చేస్తా

మల్హర్ ,సెప్టెంబర్ 8 (చక్రవాణి న్యూస్) : మల్హర్ మండలంలోని ఎడ్లపల్లి గ్రామానికి చెందిన మంతిని రాజ్‌కుమార్ మాదిగ ఎమ్మార్పీఎస్ మండల ఉపాధ్యక్షుడిగా నియమితులయ్యారు. ఈ నెల 1న జరిగిన కార్యక్రమంలో భూపాలపల్లి జిల్లా ఇన్‌చార్జి మేడిపల్లి శ్యామ్ మాదిగ, అంబాల చంద్రమౌళి మాదిగ చేతుల మీదుగా నియామక పత్రాన్ని అందుకున్నారు. ఈ సందర్భంగా రాజ్‌కుమార్ మాట్లాడుతూ.. తనపై నమ్మకంతో ఈ బాధ్యతను అప్పగించిన నాయకులకు కృతజ్ఞతలు తెలుపుతూ, మండల పరిధిలో ఎమ్మార్పీఎస్ బలోపేతానికి మరియు మాదిగల హక్కుల సాధన కోసం నిరంతరం కృషి చేస్తానని స్పష్టం చేశారు.