జయశంకర్ భూపాలపల్లి జిల్లా ఘనపూర్ మండలం, గాంధీనగర్ కూడలి హైవే పైన డాక్టర్ బి.ఆర్ అంబేడ్కర్ చిత్రపటాన్ని ట్రాక్టర్ తో తొక్కించడాన్ని 'టి ఆర్ మానవ హక్కులు మరియు అవినీతి నిరోధక సంస్థ' (TR Human Rights & Anti Corruption Association) జిల్లా చైర్మన్ మంత్రి రాజబాపు తీవ్రంగా ఖండించారు. గురువారం భూపాలపల్లి జిల్లాలో ఏర్పాటు చేసిన విలేకరుల సమావేశంలో మంత్రి రాజబాపు మాట్లాడుతూ.. ఘనపూర్ మండలం, గాంధీనగర్ కూడలిలో డాక్టర్ బి.ఆర్ అంబేడ్కర్ విగ్రహాన్ని ఏర్పాటు చేయడం కోసం ఆ స్థలంలో ఎస్సీ, ఎస్టీ, బీసీ మరియు ప్రజలందరూ కలిసి ఒక చిత్రపటాన్ని ఏర్పాటు చేసుకున్నారని తెలిపారు. ప్రపంచ ప్రజ్ఞాశీలి, భారత రాజ్యాంగ నిర్మాత, దేశంలోని ప్రజలందరికీ మానవ హక్కులు కల్పించిన అతిరథ మహావీరుడు, భారతదేశంలోని 90% జనాభాకు ఆరాధ్య దైవమైన డాక్టర్ బి.ఆర్ అంబేడ్కర్ గారి చిత్రపటాన్ని ట్రాక్టర్ తో తొక్కించడం అత్యంత ఘోరమైన విషయమన్నారు.ఈ దుశ్చర్యకు పాల్పడిన వ్యక్తి పై తక్షణమే చర్యలు తీసుకుని ఈ సంఘటన పై పూర్తి స్థాయి విచారణ జరిపి సంఘటన వెనుక ఉన్న దోషుల పై కేసులు నమోదు చేసి శిక్షించాలని కోరారు. వారి వెంట హ్యూమన్ రైట్స్ సభ్యులు ఉన్నారు.
0 Comments