ముంబై, అక్టోబర్ 6 చక్రవాణి డిజిటల్ న్యూస్ : దేశంలో ప్లాస్టిక్ కరెన్సీ నోట్ల వినియోగానికి మార్గం సుగమమవుతోంది. రూ.10, రూ.20 విలువ కలిగిన ప్లాస్టిక్ నోట్లను ప్రయోగాత్మకంగా పరీక్షించేందుకు రిజర్వ్ బ్యాంక్ ఆఫ్ ఇండియా సిద్ధమైంది. ఇందుకు అవసరమైన ప్రత్యేక మెటీరియల్ సరఫరా కోసం కంపెనీల నుంచి ప్రతిపాదనలను ఆహ్వానించింది.ప్రస్తుతం చలామణిలో ఉన్న కాగితపు నోట్లతో పోలిస్తే ప్లాస్టిక్ నోట్లు ఎక్కువ కాలం మన్నికగా ఉండే అవకాశం ఉందని ఆర్బీఐ భావిస్తోంది. ఈ ప్రయోగాన్ని ఆర్బీఐ అనుబంధ సంస్థ భారతీయ రిజర్వ్ బ్యాంక్ నోట్ ముద్రణ్ ప్రైవేట్ లిమిటెడ్ ఆధ్వర్యంలో చేపట్టనుంది.
గతంలోనూ ప్రయత్నం
ప్లాస్టిక్ నోట్లపై 2012లోనే ప్రయోగాలు ప్రారంభించినప్పటికీ సాంకేతిక సమస్యల కారణంగా ఆ ప్రక్రియ ముందుకు సాగలేదు. తాజాగా అందుబాటులోకి వచ్చిన కొత్త సాంకేతికతతో మరోసారి ప్రయోగాత్మక దశను ప్రారంభించేందుకు చర్యలు చేపట్టింది.
