రూ.12 వేల లంచం తీసుకుంటూ ఏసీబీకి పట్టుబడ్డ అటవీ శాఖ అధికారి

ఖానాపూర్, అక్టోబర్ 8(చక్రవాణి న్యూస్) : టింబర్ డిపో పర్మిషన్ కోసం ఓ వ్యక్తి నుంచి రూ.12 వేల లంచం తీసుకుంటున్నారనే ఆరోపణపై నిర్మల్ జిల్లా ఖానాపూర్ అటవీ శాఖ కార్యాలయంలో ఏసీబీ అధికారులు దాడులు నిర్వహించారు. ఈ సందర్భంగా ఫారెస్ట్ సెక్షన్ అధికారి రవీందర్‌ను లంచం తీసుకుంటుండగా ఏసీబీ అధికారులు పట్టుకున్నట్లు సమాచారం.లంచం మొత్తాన్ని స్వీకరిస్తున్న సమయంలో అధికారులు రెడ్‌హ్యాండెడ్‌గా పట్టుకున్నట్లు తెలిసింది. ఘటనకు సంబంధించి ఏసీబీ అధికారులు తదుపరి విచారణ చేపట్టారు.