రామప్ప వైభవాన్ని వీక్షించిన ప్రపంచ బ్యాంకు ప్రతినిధులు

ప్రపంచ బ్యాంకు ప్రతినిధులు రామప్ప దేవాలయాన్ని సందర్శించారు. ఆలయంలో ప్రత్యేక పూజలు నిర్వహించి రామప్ప అభివృద్ధి పనులు, ప్రపంచ వారసత్వ కట్టడంగా గుర్తింపు

ప్రపంచ వారసత్వ కట్టడం అభివృద్ధి పనులపై అధికారులతో చర్చ

వెంకటాపూర్‌, సెప్టెంబర్‌ 16 (చక్రవాణి న్యూస్‌):

వెంకటాపూర్‌ మండలం పాలంపేటలోని చారిత్రక రామప్ప దేవాలయాన్ని బుధవారం ప్రపంచ బ్యాంకు ప్రతినిధులు పూనమ్‌ ఆలువాలియా, ఆపూర్వ శేన్వీ, వెంకటరావు, నిత్య, నేహ ప్రవాష్‌ సందర్శించారు. ఈ సందర్భంగా ఆలయంలో ప్రత్యేక పూజలు నిర్వహించి తీర్థప్రసాదాలు స్వీకరించారు. ఆలయ కార్యనిర్వహణ అధికారి ఇమ్మడి భాస్కర్‌ స్వామి శేషవస్త్రాలను అందజేశారు.రామప్పకు ప్రపంచ వారసత్వ కట్టడం గుర్తింపు లభించిన అనంతరం చేపట్టిన అభివృద్ధి పనులు, ప్రసాద్‌, సాస్కీ పథకాల కింద జరుగుతున్న కార్యక్రమాల గురించి హనుమకొండ హార్టికల్చర్‌, పర్యాటక శాఖ అధికారి ఎం. శివాజీ ప్రతినిధులకు వివరించారు. టూరిజం గైడ్‌ గోరంట్ల విజయ్‌కుమార్‌ రామప్ప ఆలయ చరిత్ర, కాకతీయుల వైభవం, శిల్పకళ విశిష్టతను వివరించారు.అనంతరం ప్రతినిధులు మేడారంలోని సమ్మక్క-సారలమ్మలను దర్శించుకుని లక్నవరం సరస్సును సందర్శించారు. వారి వెంట గ్రూప్‌-1 అధికారిణి రవళి, డీటీ భవానీ ప్రసాద్‌, టూరిస్ట్‌ పోలీసులు శ్రీనివాస్‌, శ్రీకాంత్‌, దశరథ్‌, శ్రీను, రెవెన్యూ, పురావస్తు, దేవాదాయ, పర్యాటక శాఖల సిబ్బంది తదితరులు ఉన్నారు.

మీ చక్రవాణి న్యూస్

అన్యాయంపై అక్షర సమరం – అవినీతిపై సుదర్శన చక్రం

నిరంతరం తాజా వార్తలు