విఘ్నేశ్వరుని ఆశీస్సులతో ప్రజలందరికీ సుఖశాంతులు కలగాలి: సీఎం రేవంత్ రెడ్డి

వినాయక చవితి సందర్భంగా సీఎం రేవంత్ రెడ్డి రాష్ట్ర ప్రజలకు శుభాకాంక్షలు తెలిపారు. విఘ్నేశ్వరుని ఆశీస్సులతో ప్రతి ఇంటా సుఖశాంతులు, ఆనందం, ఐశ్వర్యం వెల్ల

 

హైదరాబాద్, సెప్టెంబర్ 14(చక్రవాణి న్యూస్) : వినాయక చవితి సందర్భంగా ముఖ్యమంత్రి ఎ. రేవంత్ రెడ్డి రాష్ట్ర ప్రజలకు హృదయపూర్వక శుభాకాంక్షలు తెలిపారు. విఘ్నాలను తొలగించి విజయాలను అందించే విఘ్నేశ్వరుని ఆశీస్సులు ప్రతి ఒక్కరిపై ఉండాలని ఆకాంక్షించారు.గణనాథుని కరుణాకటాక్షాలతో ప్రతి ఇంటా సుఖశాంతులు, ఆనందం, ఐశ్వర్యం వెల్లివిరియాలని, ప్రతి కుటుంబం ఆరోగ్యంగా, సంతోషంగా ఉండాలని సీఎం కోరుకున్నారు. సమాజంలో సౌభ్రాతృత్వం, సద్భావన, మానవతా విలువలు మరింత పెంపొందాలని ఆకాంక్షించారు.సకల సంకల్పాలకు విఘ్నాలు తొలగించి, విజయబాటలో నడిపించాలని, జ్ఞానం, ధైర్యం, సత్ప్రవర్తన ప్రసాదించాలని విఘ్నేశ్వరుడిని ప్రార్థిద్దామని సీఎం పేర్కొన్నారు. వినాయక నవరాత్రి ఉత్సవాలను భక్తిశ్రద్ధలతో, అత్యంత శోభాయమానంగా జరుపుకోవాలని ప్రజలకు సూచించారు.